މިއަދުގެ ބައްދަލުވުމުގައި ކޮމިޓީގެ މަސައްކަތްތަކާ ގުޅޭގޮތުން ކޮމިޓީގެ މެންބަރުންގެ މަޝްވަރާކުރެއްވެވިއެވެ. ފުރަތަމަ، ދަޢުލަތުން ކުދިން ބެލެހެއްޓުމަށް ކަނޑައަޅުއްވާފައިވާ ތަންތަނަށް ކުރުމަށް ނިންމަވާފައިވާ ދަތުރާ ގުޅޭގޮތުން ކޮމިޓީގެ މެންބަރުންގެ މެދުގައި މަޝްވަރާކުރެއްވެވިއެވެ. އެއަށްފަހު، ޚާއްޞަ އެހީއަށް ބޭނުންވާ ކުދިންގެ ބެލެނިވެރިންގެ ހުރި ކަންބޮޑުވުންތަކާ ގުޅޭގޮތުން އެ ބޭފުޅުންނާ ބައްދަލުކުރެއްވުމާ ގުޅޭގޮތުން ކޮމިޓީގެ މެންބަރުންގެ މެދުގައި މަޝްވަރާކުރެއްވެވިއެވެ. އަދި، ރެޑް ސޭފް މޯލްޑިވްސް އިން ފޮނުއްވާފައިވާ ސިޓީއާމެދު ކޮމިޓީގެ މެންބަރުން މަޝްވަރާކުރެއްވެވިއެވެ. އެއަށްފަހު، ކޮމިޓީގެ ބައްދަލުވުން ނިންމަވާލެއްވެވިއެވެ.