ރައްޔިތުންގެ މަޖިލީހުގެ ގަވާއިދުގެ 170 ވަނަ މާއްދާގެ ދަށުން، ބިލެތްދޫ ދާއިރާގެ ޢިއްޒަތްތެރި މެންބަރު އަޙްމަދު ޙަލީމް ހުށަހަޅުއްވާފައިވާ ކުއްލި މައްސަލަ މަޖިލީހުން ބަލައިގަނެ ބަހުސްކުރިއަށް ގެންދެވުން

ސިވިލް ސަރވިސް ކޮމިޝަންގެ މެންބަރުން މަޤާމުން ވަކިކުރުމުގެ މައްސަލަ މިނިވަން މުއައްސަސާތަކުގެ ކޮމިޓީން ދިރާސާކޮށް ނިންމިގޮތުގެ ރިޕޯޓު ހުށަހަޅުއްވައި ބަހުސްކުރިއަށް ގެންދެވުމަށްފަހު، ސިވިލް ސަރވިސް ކޮމިޝަންގެ މެންބަރު އަލްފާޟިލް އިބްރާހީމް ޝަހީޤު އެ ކޮމިޝަންގެ މެންބަރުކަމުން ވަކިކުރުމަށް ފާސްކުރެއްވުން

ކޮވިޑް-19 އާ ގުޅިގެން ސަރުކާރުން ދެއްވާފައިވާ ލުއިތަކާއެކު، އާ ޢާންމު ޙާލަތުގެ ދަށުން ދިވެހިރާއްޖެ ފަތުރުވެރިންނަށް ހުޅުވާލެވިގެންދާއިރު، އިންޓަރނޭޝަނަލް އެއަރޕޯޓުތަކުން ތައްޔާރުވެފައިވާ މިންވަރު ސްޓޭޓް އޯންޑް އެންޓަރޕްރައިސަސް ކޮމިޓީން ދިރާސާކޮށް ނިންމިގޮތުގެ ރިޕޯޓު ހުށަހަޅުއްވައި ބަހުސްކުރިއަށް ގެންދެވުމަށްފަހު ރިޕޯޓު މަޖިލީހުން ފާސްކުރެއްވުން

1441 ވަނަ އަހަރުގެ ފިޠުރު ޒަކާތް ބެހުމުގައި، 1439 ވަނަ އަހަރު ފަޤީރުންގެ ގޮތުގައި ރަޖިސްޓަރީވެފައިވާ ފަރާތްތަކުގެ ލިސްޓަށް މިނިސްޓްރީ އޮފް އިސްލާމިކް އެފެއާޒްއިން ބައްލަވާފައިވާތީ، ގިނަ ޢަދަދެއްގެ ފަޤީރުންގެ ޙައްޤުތައް ގެއްލިގެން ގޮސްފައިވާކަމަށް ބަޔާންކުރައްވައި، ތޮއްޑޫ ދާއިރާގެ މެންބަރު ޙަސަން ޝިޔާން ހުށަހަޅުއްވާފައިވާ މައްސަލަ އިޖްތިމާޢީ ކޮމިޓީން ދިރާސާކޮށް ނިންމިގޮތުގެ ރިޕޯޓު ހުށަހަޅުއްވައި ބަހުސްކުރިއަށް ގެންދެވުމަށްފަހު ރިޕޯޓު މަޖިލީހުން ފާސްކުރެއްވުން