މިއަދުގެ ބައްދަލުވުމުގައި ސަރުކާރުގެ ފަރާތުން ތިނަދޫ އުތުރު ދާއިރާގެ މެންބަރު ޢަބްދުލްމުޣުނީ ހުށަހަޅުއްވާފައިވާ ހެއްކާބެހޭ ބިލު ކޮމިޓީއަށް ލިބިފައިވާތީ، އެ ބިލަށް ޢާންމުންގެ ޚިޔާލު ހޯދުމަށް 30 ނޮވެންބަރު 2021 ގެ ނިޔަލަށް ދިނުމަށް ކޮމިޓީން ނިންމިއެވެ. އަދި ކަމާގުޅުންހުރި އިދާރާތަކުގެ ޚިޔާލު ހޯދުމަށް ސިޓީ ފޮނުވުމަށްވެސް ކޮމިޓީން ނިންމިއެވެ. އެއަށްފަހު، މަދަނީ އިޖުރާޢަތުގެ ބިލުގެ މަސައްކަތް ކުރެއްވިއެވެ. އެގޮތުން ބިލުގެ 339 ވަނަ މާއްދާ އިން ފެށިގެން ބިލުގެ 361 ވަނަ މާއްދާގެ ނިޔަލަށް ދިރާސާކުރެއްވިއެވެ.