މިއަދުގެ ބައްދަލުވުމުގައި ކުރިއަށް ގެންދެވީ ކޮމިޓީގައި ހުރި ޕެޓިޝަންތަކާ ގުޅޭގޮތުން މަޝްވަރާ ކުރުމެވެ. އެގޮތުން، ކޮމިޓީއަށް ލިބިފައިވާ ޝާރުޠު ހަމަނުވާ ޕެޓިޝަންތަކަށް ޝަރުޠު ހަމަކުރުމަށް އިތުރު އެއް މަސްދުވަހުގެ މުއްދަތެއް ދިނުމަށް ކޮމިޓީގައި އެވަގުތު ހާޒިރުވެވަޑައިގެން ތިއްބެވި މެންބަރުންގެ އިއްތިފާޤުން ފާސްވެގެން ދިޔައެވެ. އެއަށްފަހު، ކޮމިޓީއަށް ހުށަހެޅިފައިވާ ހިޔާ ފްލެޓްގެ ކުލި ކުޑަކުރުމަށާއި، އެތަނުގަހުރި އެހެނިހެން މައްސަލަތަކަށް ހައްލެއް ހޯދައިދިނުމަށް އެދި ހުށަހަޅުއްވާފައިވާ ޕެޓިޝަނާއި ވަޒީފާތަކަށް ބިދޭސީ މުވައްޒަފުން ގެންނަ އޭޖެންސީތަކުން ހުށަހަޅުއްވާފައިވާ ޕެޓިޝަނާ ގުޅިގެން އެ ޕެޓިޝަންތައް ހުށަހެޅި ފަރާތްތަކާ ބައްދަލުކުރުމަށް ކޮމިޓީން ނިންމެވިއެވެ. އަދި ހިޔާ ފްލެޓަށް ޒިޔާރަތް ކުރުމަށް ފެންނަކަމަށްވެސް ކޮމިޓީން ނިންމެވިއެވެ.