މިއަދުގެ ބައްދަލުވުމުގައި، ފުރަތަމަ ކުރިއަށް ގެންދެވީ ދ. މީދޫ ކައުންސިލްގެ ގޯތި ދޫކޮށްފައިވަނީ އުސޫލާ ޚިލާފަށްކަމަށްބުނެ ހުށަހަޅާފައިވާ ޕެޓިޝަން ދިރާސާކުރުމެވެ. އެގޮތުން މި ޕެޓިޝަނާމެދު މަޝްވަރާކުރެއްވުމަށްފަހު، ދ. މީދޫގައި ގޯތި ދޫކުރުމަށް އެކުލަވާލެވިފައިވާ އުސޫލު ހޯއްދެވުމަށް ކޮމިޓީއިން ނިންމެވިއެވެ. އެއަށްފަހު، ކުރިއަށް ގެންދެވީ ބޮޑު ކަންނެލީގެ މަސްވެރިކަންކުރާ ފަރާތްތަކުން ފޮނުއްވާފައިވާ ޕެޓިޝަން ދިރާސާކުރުމެވެ. މި ޕެޓިޝާނާ ގުޅިގެން ކަމާގުޅޭ އިދާރާތަކުން މައުލޫމާތު ލިބިފައިވާތީއާއި ކަމާގުޅޭ އިދާރާތަކާ ބައްދަލު ކުރެވިފައިވާތީ އެ ޕެޓިޝަނުގެ ރިޕޯޓް ތައްޔާރުކުރުމަށް ކޮމިޓީއިން ނިންމެވިއެވެ. އަދި ހިރާ ސުކޫލުގެ ދަރިވަރުންގެ ފީ ސަބްސިޑައިޒް ކޮށްދެއްވުމަށާއި، ހެދުނުގެ ނާސްތާ ޕްރޮގްރާމް އަދި ސަރުކާރުން ފޯރުކޮށްދޭ ސްޓޭޝަނަރީ އެ ސްކޫލުގެ ދަރިވަރުންނަށްވެސް ފޯރުކޮށްދެއްވުމަށް އެދި ހުށަހަޅުއްވާފައިވާ ޕެޓިޝަނާ ގުޅިގެން މިނިސްޓްރީ އޮފް އެޑިޔުކޭޝަންއިން ލިބިފައިވާ މަޢުލޫމާތުތައް ކޮމިޓީއިން ދިރާސާކުރެއްވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA